Hörmətli sərnişinlər,

10 il sizinlə

Əziz sərnişinlər,

Dövlət Başçısının tapşırığı əsasında Bakı şəhərində sərnişinlərə avtobus nəqliyyatı sahəsində beynəlxalq standartlara uyğun sərnişindaşıma xidmətinin təşkili məqsədi ilə “BakuBus”ın yaradılmasından 10 il keçir.

Ötən 10 il, bu uzaqgörən qərarın paytaxtımızın sərnişindaşıma sahəsinə verdiyi töhvələrlə ələmətdar oldu. Belə ki, 2015-ci ildə fəaliyyətə başlamış “BakuBus” MMC paytaxtımızın sərnişindaşıma sahəsinə yeni standartlar gətirmiş və yeganə dövlət operatoru olaraq hazırda da bu standartlar əsasında fəaliyyətini davam etdirməkdədir.
10 il ərzində “BakuBus” paytaxtımızda keçirilən beynəlxalq tədbirlərin nəqliyyat operatoru rolundan hazırda Bakı şəhərinin sərnişindaşımasının əsas daşıyıcı şirkətinə qədər uğurlu yol keçmişdir.
Fəaliyyətə başladığı ilk gündən təhlükəsizlik, keyfiyyət və operativlilik prinsiplərini rəhbər tutan “BakuBus” bu gün də bu prinsiplərə sadiqdir. Sərnişin məmnuniyyətini özünün fəaliyyət prioritetinə çevirən “BakuBus” 10 illik yubileyini 800 milyonuncu sərnişinini daşımaqla qeyd edir.